Oor Ons
Vind uit wie ons is, waarvoor ons staan, en hoe ons jou kind ondersteun om te groei.
Ons Wapen
Die wapen van die Keetmanshoop Privaatskool is heraldies uniek in die opsig dat die tipiese Christelike onderwysstelsel wat ouers vir hul kinders verlang, hier voorgestel en uitgebeeld word. In die boonste deel van die wapen verskyn die visarend wat die krag waarmee die wat op die Here vertrou, kan vlieg, dit wil sê: kan lewe! In die onderste deel van ons skool se wapen verskyn die geopende Boek wat die Bybel simboliseer met Jesaja 40:31 as sleutelvers. Hierdie vers lees: "...maar die wat op die Here vertrou, kry nuwe krag. Hulle vlieg met arendsvlerke, hulle hardloop en word nie moeg nie, hulle loop en raak nie afgemat nie."
Lig is Lewe
Die lig simboliseer die Bybel: die Bybel gee aan ons lewe. Sonder die Woord van God is daar nie lewe nie.
Donkerblou
Simboliseer die HemelJade
Simboliseer VooruitgangWit
Simboliseer Vrede & ReinheidSkoollied
Lig is lewe, dis ons leuse
By die Keetmanshoop
Privaatskool
God ons Alfa en Omega
Waak oor 'n ieder en 'n
elk
In die Suide met sy kokerboom
En sy dor-vaal
vlaktes
Leer ons hier van dissipline,
Van 'n liefde vir
volk en taal
Leer ons hier van Onse Vader
Van gee, van deel
en werk.
God ons anker in die lewe
Waak oor ons dag en
nag
Lig is lewe, dis ons leuse
By die Keetmanshoop
Privaatskool.
KPS Visie
Die Keetmanshoop Privaatskool streef uitnemendheid na in die vorm van:
'n Gelukkige, geruste en vertrouende ouergemeenskap.
'n Gelukkige, toegewyde, professionele span onderwysers.
'n Gelukkige, gesonde, gebalanseerde groep leerlinge wat hul volle potensiaal bereik.
'n Sterk wedersydse vertroue tussen die drie vennote: ouers, onderwysers en leerlinge.
'n Kompromielose uitlewing van die Christelike geloof, met die Evangelie as sentrale tema.
KPS Missie
Ouers
Alle KPS-ouers word 'n skoolopsie van besonderse hoë kwaliteit gebied. Geen ouer moet nodig hê om ander opsies te oorweeg as gevolg van kwaliteit nie.
Onderwysers
Geen onderwyser moet bedreig voel nie. Ons verseker 'n werksomgewing waar die personeel gedurig professioneel verfris en gestimuleer word.
Leerlinge
Ons ontwikkel kritiese denkers wat standvastig is in hul Christelike geloof. Leerders leef respek uit teenoor hul skool, volwassenes en medemens.
Gemeenskap
KPS en sy mense handhaaf 'n sterk sosiale welsynsbewussyn. Dit word prakties uitgeleef en gedemonstreer in ons dorp en teenoor minderbevoorregtes.