Redenaars bied aan leerders ’n uitstekende geleentheid om selfvertroue te ontwikkel, die vaardigheid om gemaklik voor mense te praat te ontwikkel asook om te leer hoe om 'n goeie argument te bou. Deur aan redenaars deel te neem, leer leerders om hul idees helder, gestruktureerd en oortuigend oor te dra - ’n waardevolle vaardigheid wat in alle vakke in leerders se guns sal tel. KPS het in die afgelope jare die redenaarskompetisie uitgebrei om ALLE leerders in te sluit. Elke leerder neem eers in die klas aan 'n kleiner oefengeleentheid deel. Daarna is daar geleentheid om aan die interne kompetsie deel te neem en uiteindelik aan die nasionale ATKV-kompetisie.