Ek/ons, die ondergetekende ouer(s)/voog(de) van bogemelde kind, verklaar hiermee dat die inligting, soos verstrek, na die beste van my wete korrek is, en onderneem die volgende:

1. Ek sal minstens ‘n termyn vooruit skriftelik kennis gee indien ek van voorneme is om my kind weg te neem, behalwe in gevalle waar die komitee korter kennisgewing skriftelik aanvaar het en, indien ek nie hieraan voldoen nie, aanvaar ek aanspreeklikheid vir die volle losiesgelde van die kind tot aan die einde van die skooltermyn ten opsigte waarvan kennis gegee moes word.
2. Ek sal die betaalbare losiesgelde, soos van tyd tot tyd vasgestel, maandeliks vooruit betaal teen die 7de van die betrokke maand. Indien die losiesgelde nie teen die 7de van die betrokke maand betaal is nie sal 'n brief op die eerste skooldag daarna aan u kind oorhandig word waarin hy/sy verwittig word dat die losiesgelde agterstallig is en dat hy/sy nie verder die koshuis kan bewoon (soos hieronder uiteengesit) totdat die rekening betaal is nie. Die rekening sal ook oorhandig word aan die koshuis se prokureurs vir invordering van die skulde. As die ouer dus nie die skoolgeld kan bybring nie is die onus op die ouer om voor die 7de van die betrokke maand met die skool skriftelik in kennis te stel van sy/haar onvermoë en 'n skriftelike ooreenkoms te bereik oor die betaling van die skoolfooie. Die skool sal nie die ouers kontak vir reëlings nie.
3. Indien die skool/koshuis enige kostes moet aangaan vir die invordering van skuld verskuldig in terme van hierdie dokument, onderneem die partye wat hierdie aansoekvorm onderteken om op aanvraag alle regs- en ander kostes deur die skool/koshuis aangegaan om agterstallige skoolfonds in te vorder te betaal op ‘n prokureur-eie-kliënt skaal, tesame met invorderingskommissie teen ‘n koers van 10% (plus BTW) vir elke betaling deur sodanige partye gemaak, asook enige seëlregte wat betaalbaar mag wees.
4. Indien enige betaling verskuldig in terme van hierdie dokument nie betyds betaal word nie mag die skool die balans van die agterstallige skuld, rente en kostes wat verskuldig is in terme hiervan as onmiddellik betaalbaar beskou en mag ‘n dagvaarding uitgereik word in enige bevoegde Hof sonder enige verdere kennisgewing aan u.
5. Enige kapitale bedrae uitstaande in terme hiervan sal rente dra teen ‘n koers van 20% per jaar gereken vanaf datum van die betrokke faktuur.
6. Beide ouers, of enige persone wat hierdie aansoek onderteken, sal gesamentlik en afsonderlik aanspreeklik gehou word vir die betaling van skoolfonds.
7. Die partye wat hierdie ooreenkoms onderteken doen hiermee uitdruklik afstand van die voordele van non causa debiti, errore calculi, die hersiening van rekeninge en geen waarde ontvang nie.
8. Ons stem hiermee toe tot die jurisdiksie van die Landdroshof in terme van Artikel 45 van die “Magistrate’s Court Act 32 of 1944” vir die invordering van enige bedrag verskuldig in terme hiervan.
9. Enige kapitale skuld sal onmiddellik betaalbaar en opeisbaar raak indien ek/ons insolvent verklaar word of ‘n daad van insolvensie pleeg.
10. Alle betalings deur die skool/koshuis, of deur die skool/koshuis se prokureurs, ontvang, sal eers toegeken word tot kostes, BTW, invorderingskommissie en rente, waarnaas dit toegeken sal word as ‘n kapitale betaling, ongeag enige toekenning gemaak of oënskynlik deur die skool/koshuis gemaak.
11. Enige sertifikaat of uiteensetting wat uitgereik word onder die handtekening van die Skool se gemagtigde verteenwoordiger / agent sal aanvaar word as ‘n prima facie bewys van ons verskuldigheid en sal dien as voldoende bewys vir die Skool om summiere vonnis of ‘n voorlopige vonnis teen ons te verkry in ‘n bevoegde Hof vir die bedrag uiteengesit in die sertifikaat. Ons aanvaar hiermee die onus om te bewys dat sodanige bedrag nie korrek is nie.
12. Ons sal geensins geregtig wees om vir watter rede ookal enige gelde betaalbaar in terme hiervan te weerhou of betaling daarvan uit te stel nie.
13. Ons gee hiermee toestemming dat alle fakture, rekeninge en kennisgewings elektronies aan ons versend kan word na die onderstaande genomineerde adres. Indien ons nie ‘n e-pos adres het nie, sal ons die skool skriftelik daarvan in kennis stel sodat harde-kopieë van gemelde dokumente aan ons versend kan word.
14. Ek sal alle breekskade deur my kind veroorsaak binne een maand aan die koshuis te betaal.
15. My kind sal hom/haar aan die huishoudelike reëls en gedragskode van die koshuis onderwerp.
16. Kragtens die reëls insake koshuise sal ‘n kosganger wie se losiesgelde vir ‘n bepaalde maand nie aan die einde van die maand betaal is nie, vanaf die begin van die daaropvolgende maand nie tot die koshuis toegelaat word nie en nie weer opgeneem word voordat die agterstallige losiesgeld betaal is nie; (Losiesgelde is oor 12 maande betaalbaar, vanaf Januarie tot en met Desember.)
17. Ek/Ons sertifiseer hiermee dat ek/ons wetlike toesig en/of voogdyskap het ten opsigte van die bogenoemde leerder.
18. Ek/Ons onderneem om te hou by die skoolreëls en gedragskode en die verskeie veranderinge in die reëls en gedragskode wat van tyd tot tyd gemaak word.
19. Ek/Ons (beide ouers) onderneem om by die bepalings van die koshuis/skool se Grondwet, reëls en kodes te hou en ek/ons sal in die geval van 'n oortreding van ‘n reël, berus by die strafmaatreëls soos op besluit deur die tugkomitee.
20. Ek/Ons verstaan dat rook en die gebruik/misbruik van enige dwelm of alkoholiese drank ʼn oortreding is van die kritiese koshuisreëls en sal onder geen omstandighede geduld word nie.
21. Ek/Ons en ons kind vrywaar KPS koshuis van enige verantwoordelikheid, vir enige gebeurtenis indien my/ons seun/dogter sonder toestemming die koshuisterrein verlaat het gedurende die dag of nag.
22. Ek/Ons en ons kind vrywaar KPS koshuis van enige mediese kostes t.o.v. ons kind (hierin behoorlik deur ons bygestaan) wat behandeling ontvang by ‘n dokter, hospital, kliniek of apteek. Ons vrywaar ook die KPS Koshuis, sy werknemers, verteenwoordigers, agente en vrywilligers van enige eise voortspruitend uit enige beserings of dood wat mag ontstaan gedurende ons kind se verblyf in die Koshuis, met die uitsluitsel van beserings of dood veroorsaak deur die growe nalatigheid van ‘n werknemer, verteenwoordiger, agent of vrywilliger.
23. Die Skool en/or Koshuis sal nie aanspreeklik wees vir enige verlies of beskadiging van persoonlike besittings van loseerders nie, hoe dit ook al veroorsaak word.
24. Ouers word ten sterkste aangeraai om die besittings van hul kinders teen brand, diefstal, ens. te verseker.
25. Die superintendent tree op in loco parentis vir alle leerders in die koshuis en word gemagtig om as sodanig op te tree as my gevolmagtigde in alle nood-, mediese en ander gevalle.
26. Ek/Ons aanvaar verantwoordelikheid vir die immunisering van my/ons kind teen enige aansteeklike siektes en normale infeksies en sal bewys daarvan lewer indien dit versoek word.
27. Die ondertekenaar hiervan kies hiermee die domicilium citandi et executandi soos hieronder aangetoon. In die geval van ʼn adresverandering, sal ek/ons die koshuis skriftelik daarvan in kennis stel.
28. Hierdie verbintenis in sy geheel is van krag vanaf die dag wat dit onderteken is deur die ouer/voog/leerling tot op die dag wat die kind die koshuis verlaat. Let egter daarop dat indien ʼn leerling heraansoek doen aan die einde van ʼn jaar/ beplan om terug te keer na KPS Koshuis, hierdie ooreenkoms bindend is oor die Desember vakansie. Leerlinge val dus tydens vakansietye ook onder hierdie kontrak en die koshuis se reëls en regulasies.
29. Die ouer/voog verklaar dat hy/sy die wettige ouer/voog van die kind is en geregtig is om hierdie dokument te teken en is hiertoe gebind as ouer/voog en in sy/haar persoonlike hoedanigheid.